Student registering for an English course
How to register for a course ©

Credit Genaye Eshetu

ፎቶ፡ ገናዬ እሸቱ

ለመደበኛ የእንግሊዝኛ ቋንቋ ፈተና ወይም የIELTS መሰናዶኮርስ ለመውሰድ ለመመዝገብ፦

አዲስ ተማሪ ከሆኑ የምደባ ፈተና መውሰድ ይኖርብዎታል፤ ይህም በወቅቱ ያለዎትን የእንግሊዝኛ ቋንቋ የእውቀት ደረጃ ለማወቅ ያስችለናል።

የእንግሊዝኛ ቋንቋ ችሎታዎን ደረጃ ለማወቅ የሚያስችለውን ፈተና ለመፈተን ለመመዝገብ እባክዎ ትምህርት ቤታችን የሚለውን ሊንክ ይጠቀሙ። ይህን ፈተና የምንፈትነው ዘወትር ከሰኞ እስከ አርብ ከቀኑ 7.00 እስከ 9.00 ሰዓት ነው።

ለምደባ ፈተና 150 ብር ይከፍላሉ።

የሥራ ሙያ ማዳበሪያ ኮርስ ለመውሰድ ለመመዝገብ፦

ምን ኮርስ እንደሚፈልጉ ለመነጋገር እና የመረጡትን ኮርስ ለመውሰድ ለመመዝገብ እባክዎ በአካል መጥተው ያነጋግሩን ወይም በአድራሻችን ይፃፉልን።

ክፍያንና ተመላሽ ገንዘብን የሚመለከት መመሪያ

ክፍያ

ከ500 ብር በላይ የሆነ ክፍያ በሙሉ የሚከናወነው በጥሬ ብር ክፍያ ማዘዣ (CPO) ሲሆን በየትኛውም የኢትዮጵያ ንግድ ባንክ ቅርንጫፍ በኩል ገንዘቡ ለብሪቲሽ ካውንስል እንዲከፈል ገቢ ማድረግ ይቻላል። ቦታ እንዲያዝልዎ የኮርሶቹን ሙሉ ዋጋ መክፈል ይጠበቅብዎታል። ከሰኞ እስከ ዓርብ ከቀኑ 10.30 ሰዓት በኋላ እና ቅዳሜ ደረሰኝና ቼክ መቁረጥን እንዲሁም ክፍያ መቀበልን የመሳሰሉ ገንዘብ ነክ ጉዳዮችን እንደማናስተናግድ እባክዎ ያስታውሱ። በአሁኑ ጊዜ ለ60 ሰዓታት ለሚሰጠው ኮርስ የምናስከፍለው 4650 ብር ሲሆን ለመጽሐፍ ደግሞ 700 ብር ይከፈላል።

የትምህርት መርሃ ግብሮች ሲሰረዙ

ብሪቲሽ ካውንስል፣ ትምህርት ከመጀመሩ በፊት ባልተጠበቁ ክስተቶች ሳቢያ የትምህርት መርሃ ግብሩን ለመሰረዝ የሚገደድባቸው ጊዜያት ሊኖሩ ይችላሉ። ይህ በሚሆንበት ጊዜ የፈፀሙትን ክፍያ ሌላ ኮርስ እንዲማሩበት ልናደርግ እንችላለን። ይህ የማይቻል ከሆነ ለቢሮ ሥራ የዋለውን ምንም ገንዘብ ሳንቀንስ የከፈሉትን ሙሉ በሙሉ እንመልሳለን።

ገንዘብ ማስመለስ እና ለሌላ ጊዜ ማዘዋወር

ኮርሱ ከሚጀምርበት ቀን በፊት የከፈሉት ገንዘብ ሙሉ በሙሉ እንዲመለስልዎት ወይም ለሌላ ጊዜ እንዲዘዋወርልዎት መጠየቅ ይችላሉ፤ በዚህ ጊዜ ለቢሮ ሥራ የሚከፈል 465 ብር ተቀናሽ ይሆናል። ኮርሱ ከጀመረ በኋላ የከፈሉትን ገንዘብ ማስመለስ ወይም ለሌላ ጊዜ ለመጠቀም ማዘዋወር አይቻልም፤ ከዚህ የተለየ ሁኔታ የሚኖረው የትምህርት አስተዳደሩ የተስማማባቸው ያልተለመዱ ሁኔታዎች ሲኖሩ ለምሳሌ፣ ድንገተኛ የሕክምና ጉዳይ በሚከሰትበት ወቅት ነው።

ለየት ያሉ ጥያቄዎች

ለየት ያሉ ጥያቄዎች ካሉዎት ያሳውቁን፤ እኛም አቅማችን በፈቀደ መጠን እንደፍላጎትዎ እናስተናግድዎታለን።