British Council
በ ሚያዚያ ፩፱፫፰ ዓ ም በንጉሰ ነገስት ቀዳማዊ ኃይለ ስላሴ በተበረከተ ቦታ ላይ ብሪቲሽ ካውንስል ጄነራል ዊንጌት የተባለውን ራሱን የቻለ የወንዶች ትምህርት ቤት አቋቋመ። ብሪቲሽ ካውንስል የትምህርት ቤቱን ዋና ሃላፊና ብዙ ሰራተኞችን በማቅረብ እንዲሁም የአመት የጥገና ወጪውን በመሸፈንም ድጋፍ አድርጓል ። በ ፩፱፭፫ ብሪቲሽ ካውንስል ና የ ኢትዮጵያ መንግስት በተፈራረሙት የዊንጌት ስምምነት መሰረት ለጄኔራል ዊንጌት ትምህርት ቤት እድሳት የሚውል ሃምሳ ሺ ፓውንድ በስራ ላይ ውሏል ። ጄኔራል ዊንጌት በ ፩፱፮፱ የመምህራን ማሰልጠኛ ኮሌጅ እስኪሆን ድረስ በብሪቲሽ ካውንስል ድጋፍ ይሰጠው ነበር ።
British Council
Nebiyou Worku
" ብሪቲሽ ካውንስል ለጄኔራል ዊንጌት ትምህርት ቤት መምህራንን እና መማሪያ መጽሃፍትን በማቅረብ ከፍተኛ አስተዋጸኦ አድርጓል:: ትምህርት ቤቱ ለሀገሪቱ ያገለገሉ ወጣቶችን ኮትኩቶ ያሳደገ ነበር :: የብሪቲሽ ካውንስል ላይብረሪም ለአንባቢያን ትልቅ እድል የከፈተ ነበር:: "
" ዊንጌት ለየት ያለ ትምህርት ቤት ነበር:: ለስነ ጽሁፍ እና ለማንበብ አመቺ ቦታ ነበር :: ውስጡ ለአስተዳደር ቀላል የነበረ ሲሆን መጠነኛ የሆነች ዲሞክራሲያዊ ስርዓት የማየትና የመማር እድል ሰጥቶናል ማለት እችላለሁ::"
"ጥራት ላይ ያተኮረ ትምህርት ለተወሰነ ጊዜ ብቻ የሚደገፍ ሳይሆን ለዘለቄታው የሚደገፍበት ሁኔታ ኖሮ ይቺ ሀገር የሚያስፈልጋትን የሰው ኃይል የሚያመርት ጥራት ተኮር የትምህርት ስርዓት ቢዘረጋ ጥሩ ነው ብዬ አስባለሁ:: "
አቶ ታምራት ከበደ
የጄኔራል ዊንጌት ትምህርት ቤት የቀድሞ ተማሪ
የኢንተር አፍሪካ ግሩፕ ዋና ስራ አስኪያጅ