ከእኛ ጋር መሥራት ምን ጥቅም አለው?

የንግድ ድርጅትም ሆኑ የትምህርት ተቋም፣ የእርዳታ ድርጅትም ሆኑ ዓለም አቀፋዊ ድርጅት፣ በምትፈልጉት መልኩ እንድናስተናግዳችሁ የሚያስችለን እንደ ሁኔታው የሚስተካከል አሠራር እና ሰፊ ልምድ አለን።

ብሪቲሽ ካውንስል ኢትዮጵያ፣ በኢትዮጵያ ሕዝብ ሕይወት ላይ በጎ ተጽዕኖ የሚያሳድሩ ፕሮጀክቶችን ከሚያካሂዱ የመንግሥት የሚኒስቴር መሥሪያ ቤቶች፣ የግል ንግድ ድርጅቶች እና ዓለም አቀፋዊ የእርዳታ ድርጅቶች ጋር በመሥራት ረገድ ጠንካራ ታሪክ አስመዝግቧል።

እሴቶቻችን

እ. ኤ. አ. በ1934 የተቋቋመው ብሪቲሽ ካውንስል በ110 አገሮች እና ክልሎች ውስጥ ከ200 የሚበልጡ ቢሮዎች አሉት።
በኢትዮጵያ ሥራ የጀመርነው እ. ኤ. አ. ከ1943 ጀምሮ ሲሆን ቢሯችን በአዲስ አበባ ይገኛል።
ስለ ባህላዊ ግንኙነቶች፣ ስለ ቋንቋዎች እና ስለ ማኅበረሰቦች ጥሩ ግንዛቤ አለን።
ስለ ማስተማር እና የቋንቋ ስልጠና ስለ መስጠት፣ ስለ በርካታ የሥነ ጥበብ ዘርፎች፣ ስለ ፈጠራ ኢንዱስትሪዎች፣ ወጣቶችን እና ማኅበረሰብን ስለ ማሳተፍ እንዲሁም ስለ አስተዳደር እና ለውጥ ጥልቅ እውቀት አለን።
ከወጣት ተማሪዎች አንስቶ እስከ መንግሥት ሚኒስቴሮች ድረስ ግንኙነት አለን።
ከዩናይትድ ኪንግደም መንግሥታዊ ተቋማት፣ ከብሪቲሽ ኤምባሲ፣ ከብሔራዊ የመንግሥት መሥሪያ ቤቶች እና ሚኒስቴር መሥሪያ ቤቶች እንዲሁም ከዓለም አቀፍ የመንግሥት መሥሪያ ቤቶች ጋር ተቀራርበን እንሠራለን።

በዓለም ዙሪያ በ2012 (እ. ኤ. አ.) ያከናወንናቸው ነገሮች

ከ12.5 ሚሊዮን ሰዎች ጋር በቀጥታ አብረን ሠርተናል።
ባዘጋጀናቸው የሥነ ጥበብ አውደ ርእዮች፣ በአላት እና ዝግጅቶች ላይ 9.5 ሚሊዮን ሰዎች ተገኝተዋል።
በእንግሊዝኛ ቋንቋ የትምህርት ቤቶቻችን ውስጥ 308,000 ተማሪዎች ሰልጥነዋል።
የዩናይትድ ኪንግደምን 2.7 ሚሊዮን ፈተናዎች ፈትነናል።
በኢንተርኔት ላይ በሚገኙ ፕሮግራሞች አማካኝነት 4 ሚሊዮን የእንግሊዝኛ ቋንቋ አስተማሪዎችን እና 41 ሚሊዮን ተማሪዎችን ረድተናል።
73.3 ሚሊዮን ሰዎች በዲጂታል ጣቢያዎቻችን ተጠቅመዋል፣ 485 ሚሊዮን ሰዎች የራዲዮ እና የቲቪ ፕሮግራሞቻችንን ተከታትለዋል፣ የህትመት ውጤቶቻችንንም አንብበዋል።
የድረ ገጽ መረጃችን እንዳሳየው ያገኘው ነጥብ 58 በመቶ ነበር።
በ50 አገራት የሚገኙ እና በአመታዊው የ Ipsos MORI ጥናት ላይ የተካፈሉ በፕሮግራሞቻችን ተጠቃሚ ከነበሩ 4,000 ታላላቅ ሰዎች መካከል 92 በመቶ የሚሆኑት ከእኛ ጋር መሥራታቸው በሥራው ዓለም ሕይወታቸው ላይ ለውጥ እንዳመጣ ገልፀዋል።
81 በመቶ የሚሆኑት ደግሞ ከእኛ ጋር መሥራታቸው ለሚሠሩበት ድርጅትም ለውጥ እንዳመጣ ገልፀዋል።

ከእኛ ጋር አብረው መሥራትዎ የሚያስገኝልዎት ጥቅም፦

Reach your audiences

አገራዊ እና ዓለም አቀፋዊ ድርጅቶችን ጨምሮ ዓለም አቀፋዊ አስተሳሰብ ላላቸው ኢትዮጵያውያን ወጣቶች ተደራሽ በመሆናችንና ግንኙነት ያለን በመሆኑ ከአዲስ ተጠቃሚዎች ጋር መገናኘት እንዲችሉ እንረዳዎታለን። በብሪቲሽ ካውንስል በኩል ለሚደረግ ለአንድ ዝግጅት፣ አውደ ርእይ ወይም ደግሞ ለማንኛውም ፕሮግራም ድጋፍ ካደረጉ፣ ድርጅታችን የሚያቀርባቸውን የተለያዩ ዝግጅቶች እና ሙያዊ እውቀቶች በቀጥታ ኢንተርኔት ላይ ሆነውም ይሁን ከኢንተርኔት ላይ አውርደው (Download) ሊጠቀሙ ይችላሉ።

Enhance your brand

ብሪቲሽ ካውንስል የሚያቀርባቸው ነገሮች በመላው ዓለም ተአማኒነት ያላቸው ከመሆናቸውም በላይ ዩናይትድ ኪንግደም ካሏት ምርጥ ነገሮች ውስጥ ይገኙበታል። ከ75 ለሚበልጡ ዓመታት በመላው ዓለም ለሚገኙ ግለሰቦች እና ድርጅቶች ድጋፍ ስናደርግ ቆይተናል።

የምናከናውናቸው ሥራዎች ለግለሰቦች፣ ለታማኝነት፣ በጋራ ለመሥራት፣ ለፈጠራ ሥራ እና ለሙያዊ ብቃት ላቅ ያለ ግምት መስጠትን መሰረት ያደረጉ ናቸው። እነዚህ እሴቶች የምናከናውነውን ነገር ሁሉ ያጠናክሩልናል።

Achieve your Corporate Social Responsibility (CSR) aims

ድጋፍ እንድናደርግልዎትም ይሁን ተባብረን እንድንሠራ ቢፈልጉ ወይም ደግሞ ሕጋዊ አጋርዎት ቢያደርጉን ለሥራዎት እሴት እንጨምራለን። የተለያዩ ዝግጅቶችን፣ ኢንተርኔት ላይ የሚደረጉ ዘመቻዎችን እና ማኅበራዊ የብዙሃን መገናኛዎችን ጨምሮ በተለያዩ የመገናኛ መስመሮች አማካኝነት በአገር እና በዓለም አቀፍ ደረጃ ሥራዎትን እናስተዋውቅልዎታለን።

በእውቀታችን እና ከሌሎች ጋር ባለን ግንኙነት በመጠቀም ማለትም ከአጋሮቻችን ጋር በመተባበር ዓለም አቀፋዊነትን፣ ከፍተኛ ትምህርት ዓለም አቀፋዊ ይዘት እንዲኖረው ማድረግን ወይም የአካባቢ ማኅበረሰቦችን ማነሳሳትን የሚመለከቱ ትኩረት የሚስቡ ዝግጅቶችን እናደርጋለን።

ድርጅትዎ ያለበትን ማኅበረሰባዊ ኃላፊነትን በሚመለከት ያወጡት ግብ ላይ እንዴት መድረስ እንደሚችሉ ስለ ማኅበረሰብ ተኮር ፕሮግራሞች ያለንን እውቀት ተጠቅመን ልንረዳዎት እንችላለን። ፕሮግራም ከመቅረፅ እና ከማስተዋወቅ ጀምሮ ግንኙነት እስከ መመስረት እና ፕሮግራሙን የሚደግፉ ሠራተኞች እንዲያገኙ እስከማድረግ ድረስ ድጋፍ በመስጠት፣ ድካምዎ ውጤት እንዲያገኝ ለማድረግ በአጋርነት እንሠራለን። ከዚህ በተጨማሪም በመላው ዓለም ተአማኒነት ያለውን ስማችንን ተጠቅመን በአገር እና በዓለም አቀፍ ደረጃ ድርጅትዎ ስለ ማኅበረሰባዊ ኃላፊነት ያቀደውን ነገር ልናስተዋውቅልዎት እንችላለን።

Gain access to our networks of expertise

በሥነ ጥበብ፣ በእንግሊዝኛ ቋንቋ እና በሥነ ማኅበረሰብ ረገድ በዓለም አሉ የሚባሉትን እውቀቶች እንዲያገኙ በማድረግ የሚፈልጉት ግብ ላይ እንዲደርሱ ልንረዳዎት እንችላለን።

ከ75 ለሚበልጡ ዓመታት በዩናይትድ ኪንግደም እና በሌሎች አገራት መካከል ግንኙነት እንዲገነባ ስናደርግ ቆይተናል። ይህም ከመንግሥታት፣ ከደንብ አውጪዎች እና ከከፍተኛ አማካሪዎች ጋር ጠንካራ ትስስር መፍጠር አስችሎናል።

Learn English with the world leader in English language training

እንግሊዝኛ ቋንቋ በማስተማር በዓለም ቀዳሚውን ስፍራ እንደመያዛችን መጠን፣ የድርጅትዎን የእንግሊዝኛ ቋንቋ ፍላጎት በትክክል የሚያሟሉ መፍትሄዎችን እናዘጋጃለን። በዓለም ዙሪያ በ110 አገራት የሚገኙ ደንበኞች እኛ ዘንድ እንግሊዝኛ ይማሩና የቋንቋ ፈተና ይፈተናሉ።

Benefit from the high standard of our customer services

ብሪቲሽ ካውንስል በተቻለ መጠን ደረጃውን የጠበቀ የደንበኞች አገልግሎት የመስጠት ቁርጥ አቋም አለው። ድርጅታችን ደንበኛ ተኮር እንደመሆኑ መጠን፣ ለደንበኞቻችን ትልቅ ቦታ እንሰጣለን። በአቅርቦት፣ በጊዜ አክባሪነት፣ በመረጃ፣ በሙያዊ ብቃት እና በምናደርገው ነገር ሁሉ ወዳጃዊና አዎንታዊ በመሆን ጥራት ያለው አገልግሎት ለመስጠት እንተጋለን።

የደንበኞች አገልግሎት ክፍል ውስጥ ካለው ቡድናችን ሁሉንም አገልግሎታችንን የሚመለከት መረጃ እና ምክር ሊያገኙ እንዲሁም ሌሎች የሚያስፈልጉዎትን መረጃዎችሁሉ ሊያገኙ ይችላሉ።