Credit Hendri Lombard
Photo: Hendri Lombard
በየዓመቱ ከ90 አገሮች የተውጣጡ ሁለት ሚሊዮን የሚያህሉ ሰዎች በብሪቲሽ ካውንስል በኩል ዓለም አቀፍ ፈተናዎች ይወስዳሉ። በዓለም አቀፍ ደረጃ እውቅና ያለው የብቃት ደረጃችን ተማሪዎች አሉ በተባሉ ዩኒቨርስቲዎች ትምህርታቸውን እንዲከታተሉ፣ ግሩም የሆኑ የሥራ እድሎችን እንዲያገኙና ይበልጥ አርኪ ለሆነ ሕይወት ራሳቸውን እንዲያዘጋጁ ይረዳቸዋል።
በአስተማሪዎች፣ በመንግሥታት፣ በአሠሪዎችና በተማሪዎች ዘንድ አመኔታ ያተረፈው ብሪቲሽ ካውንስል አስፈላጊውን ድጋፍና ምክር ይሰጣል፤ እንዲሁም የፈተና ሥርዓቱ በየደረጃው የተሟላ እንዲሆን ተገቢውን ክትትል ያደርጋል።
ተማሪም ይሁኑ ወላጅ አሊያም ደግሞ የትምህርት ቤት ፈተናዎች አስተባባሪ የሚፈልጉትን መረጃ ከዚህ በታች ማግኘት ይችላሉ።
ለእርስዎ ወይም ለትምህርት ቤትዎ የሚያስፈልገው የትኛው ዓይነት ፈተና ነው? በዓለም ላይ ከፍተኛ ተቀባይነት ካላቸው ዓለም አቀፍ ፈተናዎች መካከል ስለሁለቱ ይኸውም IGCSEs/International GCSEs እና A-/AS-ደረጃዎች የበለጠ መረጃ ማግኘት ይችላሉ።
ለትምህርት ቤቱ ፈተና ለመመዝገብ ዝግጁ ኖት? ለIGCSEs/International GCSEs ወይም ለA- እና AS-ደረጃዎች እንዴት መመዝገብ እንደሚችሉ መረጃዎች ይመልከቱ። በምዝገባው ሂደት ወቅት ሁሉ ድጋፋችን አይለይዎትም።
ብሪቲሽ ካውንስል እጅግ ጠቃሚ የሆኑትን የትምህርት መመሪያዎችና መሣሪያዎች እንዲያገኙ ከመርዳት አንስቶ ከዚህ በፊት የተዘጋጁ የመመረቂያ ጽሑፎችን እስከ ማቅረብ ድረስ ተፈላጊው ብቃት ላይ እንዲደርሱ የሚያስፈልግዎትን ድጋፍ ሊያደርግልዎት ይችላል።
ፈተና በሚሰጥበት ቀን ምን ይከናወናል? ስለፈተናው ፕሮግራምም ሆነ ስለሚፈተኑበት ቦታ እንዲሁም ፈተናውን ያለ ምንም ችግር መፈተን እንዲችሉ በዕለቱ ምን ነገሮች ይዘው መምጣት እንዳለብዎት ይወቁ።
የፈተናውን ውጤት የሚቀበሉበት ዕለት በሕይወትዎ እጅግ ከሚደሰቱባቸው ቀኖች መካከል አንዱ ሊሆን ይችላል። ከብሪቲሽ ካውንስል የዓለም አቀፍ ፈተና ውጤትዎን መቼ፣ የትና እንዴት መረከብ እንደሚችሉ ይመልከቱ።