የምንሰጣቸው መደበኛ የእንግሊዝኛ ቋንቋ ኮርሶቻችን የቋንቋ ችሎታዎን በሁሉም አቅጣጫ እንዲያሻሽሉ ለመርዳት የተዘጋጁ ናቸው። እያንዳንዱ ትምህርት ግልጽ የሆነ ዓላማ ያለው ሲሆን ለሚያደርጉት አጠቃላይ መሻሻል የራሱን አስተዋጽኦ ያበረክታል፤ ከቋንቋ ጋር በተያያዘ ያወጧቸው ግቦች ላይ እንዲደርሱም ይረዳዎታል።
በእያንዳንዱ ክፍል አስተማሪዎ በሚገባ የተደራጁ የመማሪያ ሥራዎችን ይሰጥዎታል፤ እድገትዎንም ይከታተላል። እንዲሁም እንግሊዝኛ ቋንቋን ይበልጥ አቀላጥፈው እና በድፍረት መናገር እንዲችሉ ሐሳብ ይሰጥዎታል።
ለምን ይህን የብሪቲሽ ካውንስል ኮርስ ልምረጥ?
ይህ መደበኛ የእንግሊዝኛ ቋንቋ ኮርስ የሚያስገኝልዎ ጥቅም፦
- ብቃት እና ልምድ ያለው አስተማሪ ያስተምርዎታል፣
- ሐሳብዎን የመግለጽ ችሎታዎን ያሻሽላሉ፣
- በድፍረት የመናገር ችሎታ ያዳብራሉ፣
- ቃላትን በትክክል የመጥራት ችሎታዎን ያሻሽላሉ፣
- የሰዋስው እና የቃላት እውቀትዎን ያሰፋሉ፣
- በመማሪያ ክፍል ውስጥም ሆነ ከዚያ ውጪ የእንግሊዝኛ ችሎታዎን ለማሻሻል የሚረዱ የተለያዩ ዘዴዎች ያውቃሉ፣
- የሚያደርጉትን ጥረት በተመለከተ ሐሳብ ያገኛሉ፣
- ኮርሱን በተሳካ ሁኔታ ካጠናቀቁ የምሥክር ወረቀት ይሰጥዎታል።
የእርስዎ ትክክለኛ የቋንቋ ደረጃ
መደበኛ የእንግሊዝኛ ቋንቋ ኮርሶች እንሰጣለን፤ ይህም የመናገር፣ የመስማት፣ የማንበብ እና የመጻፍ ችሎታዎንም ሆነ የሰዋስው እና የቃላት እውቀትዎን እንዲያሳድጉ ይረዳዎታል። ኮርሶቹ ከጀማሪ ደረጃ አንስቶ እስከ ከመካከለኛ ከፍ ያለ ደረጃ ይደርሳሉ።
በብሪቲሽ ካውንስል አዲስ ተመዝጋቢ ከሆኑ ለእርስዎ የሚመጥነው ትክክለኛ ደረጃ የትኛው እንደሆነ ለማወቅ የምደባ ፈተና መውሰድ ይኖርብዎታል።
ችሎታዬ የሚገመገመው እንዴት ነው?
ያደረጉትን ለውጥ የምንመዝነው ቀጣይነት ባለው ግምገማ ነው።
ይህን የምናደርገው ምን ጠንካራ ጎኖች እንዳሉዎት እና በምን አቅጣጫ ማሻሻያ ማድረግ እንዳለብዎት እንዲገነዘቡ ለመርዳት ነው። ከዚህም ሌላ ወደ ቀጣዩ የእንግሊዝኛ ቋንቋ ደረጃ ለመሸጋገር ብቁ መሆንዎን ለመወሰን እንዲረዳን ያሳዩትን ለውጥ እንገመግማለን።
በቀጣይነት የሚደረገው ግምገማ በሙሉ የተመሠረተው ተግባራዊ በሆኑ መገምገሚያ ስልቶች ነው።