IGCSEs/International GCSEs መምረጥዎ ምን ጥቅም አለው?

ብዙውን ጊዜ IGCSEs እና ኢንተርናሽናል GCSEs ኮርሶችን ለማጠናቀቅ ሁለት ዓመታት ይፈጃል። ግምገማው የጽሑፍ፣ የቃል እና የተግባር ፈተናዎችን እንዲሁም በኮርሱ የሚሠሩ ሥራዎችን ያካተተ ነው።

ፈተናዎችን የሚያዘጋጁት ሁለት ዋና ዋና የፈተና ቦርዶች ናቸው፤ እነርሱም፦ ካምብሪጅ ኢንተርናሽናል ኤግዛሚኔሽንስ (CIE) እና ፒርሰን ኤዴክሴል ናቸው። የሚማሩበት ትምህርት ቤት የፈተና ቦርድ መርጦ ሊሆን ይችላል።

የሚፈተኑት የካምብሪጅ ኢንተርናሽናል ኤግዛሚኔሽንስ (CIE) ፈተናን ከሆነ፣ IGCSEs ኮርስ ይማራሉ። የሚፈተኑት የፒርሰን ኤዴክሴልን ፈተና ከሆነ ደግሞ ኢንተርናሽናል GCSEs ይማራሉ።

ለእርስዎ ትምህርት ቤት የትኛው ቦርድ ቢሆን እንደሚሻል ለማቀቅ እዚህ ይመልከቱ። 

ለእርስዎ የሚያስፈልገውን የ IGCSEs/ኢንተርናሽናል GCSEs ኮርስ የመምረጥ ነፃነት አለዎት። የመረጧቸው የትምህርት ዓይነቶች ወደፊት ሊሠሩት ካሰቡት ሥራ ወይም ሊማሩት ካሰቡት ትምህርት ጋር የሚጣጣሙ መሆን አለባቸው።

በእርስዎ አገር የሚገኙትን የትምህርት ዓይነቶች ለማወቅ ካምብሪጅ ኢንተርናሽናል ኤግዛሚኔሽንስ (CIE) ድረ ገጽ ይመልከቱ።

መሰረታዊው የIGCSE/ኢንተርናሽናል GCSE ትምህርት መርሃ ግብር ከC እስከ G የሚደርስ ውጤት ያመጣሉ ተብለው ለሚጠበቁ ተማሪዎች ተስማሚ ነው። ከዚህ የሚሰፋው የትምህርት መርሃ ግብር ደግሞ ከA እስከ C የሚደርስ ውጤት ያመጣሉ ተብለው ለሚጠበቁ ተማሪዎች የሚሆን ይበልጥ ከበድ የሚል ይዘት አለው።

የብሪቲሽ ካውንስልን GCSEPod፣ የፈተና ቦርዱን የትምህርት መመሪያዎችን፣ ቀደም ሲል የተሠሩ መመረቂያ ጽሑፎችን፣ ኢንተርኔት ላይ የሚገኙ ፕሮግራሞችን እና ሌሎች ጠቃሚ የሆኑ ከፍተኛ ጥራት ያላቸው ለፈተና ለመዘጋጀት የሚያስችሉ መማሪያዎችን እንዲያገኙ ልንረዳዎት እንችላለን። 

ለመማር የሚጠቅሙ ሃሳቦችን እና ምክሮችን እዚህ ይመልከቱ።

ውጤቶች የሚሰጡት በመላው ዓለም የታወቁትን ከ A* እስከ G ያሉትን ደረጃዎች በመጠቀም ነው። በኮርሱ የሚሠራው ሥራ እና የፈተና ወረቀቶች ሁሉ የሚታረሙት በዩናይትድ ኪንግደም ነው።

የመጨረሻውን ፈተና ከተፈተኑ ወይም ደግሞ የኮርሱን ሥራዎች ካስረከቡ ከተወሰኑ ሳምንታት በኋላ፣ ለትምህርት ቤትዎ ወይም ደግሞ በአቅራቢያ ለሚገኝ የብሪቲሽ ካውንስል ቢሮ ውጤቶችዎ ይላካሉ።

IGCSE/ኢንተርናሽናል GCSE ኮርሶችን ተማሩ ማለት እንደ A- እና AS- ደረጃዎች ወይም ዩኒቨርሲቲ እንደ መግባት ያሉ ተጨማሪ የትምህርት እድሎችን ለማግኘት የመጀመሪያውን እርምጃ ወሰዱ ማለት ነው።