A- እና AS-ደረጃዎች ማስተማር ምን ጥቅም አለው?

ካምብሪጅ ኢንተርናሽናል ኤግዛሚኔሽንስ (CIE) ያዘጋጀውን የA-ደረጃ ኮርስ ከ125 በሚበልጡ አገራት ሲሰጥ ፒርሰን ኤዴክሴል ያዘጋጀውን የA-ደረጃዎች ኮርስ ደግሞ ከ80 በሚበልጡ አገራት የሚገኙ ትምህርት ቤቶች ያስተምሩታል። ብሪቲሽ ካውንስል ተቋማችሁን ከእነዚህ የፈተና ቦርዶች ጋር በማገናኘት ለተማሪዎቻችሁ ዓለም አቀፋዊ ደረጃውን የጠበቀ ስልጠና እንድትሰጡ ሊረዳችሁ ይችላል። 

ብሪቲሽ ካውንስል ለአስተማሪዎች፣ ለተማሪዎች እና ለትምህርት ቤት የፈተና አስተባባሪዎች አስፈላጊ የሆነውን የፈተና ዝግጅት ያደርጋል።

ብዙውን ጊዜ የA-ደረጃዎችን ኮርስ ለማጠናቀቅ ሁለት ዓመታት ይፈጃል። ኮርሱ በሁለት የተከፈለ ነው። በመጀመሪያው አመት ትምህርት ማጠናቀቂያ ላይ ተማሪዎች በፈተና እና በኮርሱ ሥራዎች ይገመገማሉ። የሚያገኙት ውጤትም AS-ደረጃ ይሆናል። በሁለተኛው አመት ደግሞ A2-ደረጃ ያገኛሉ። በሁለቱ አመታት ያገኟቸው ውጤቶች ይቀናጁ እና A-ደረጃ ውጤት ይሰጣቸዋል።

A-ደረጃ ፈተናዎችን የሚያዘጋጁት ሁለት ዋና ዋና የፈተና ቦርዶች ናቸው፤ እነርሱም፦ ካምብሪጅ ኢንተርናሽናል ኤግዛሚኔሽንስ (CIE) እና ፒርሰን ኤዴክሴል ናቸው።

ለእርስዎ ትምህርት ቤት የትኛው ቦርድ ቢሆን እንደሚሻል ለማወቅ እዚህ ይመልከቱ። 

ተማሪዎች እንደ ሒሳብ እና እንግሊዝኛ ካሉት መሰረታዊ ትምህርቶች ጀምሮ እስከ ልዩ ሙያዊ የትምህርት ዓይነቶች የሚደርሱ ከ35 የሚበልጡ ምርጫዎች አሏቸው።

ብዙውን ጊዜ ተማሪዎች ከሁለት እስከ ሶሶት የሚደርሱ የትምህርት ዓይነቶችን ለመማር ይመርጣሉ፤ ይህንን የሚወስነው ግን ሊማሩበት የመረጡት ዩኒቨርሲቲ ወይም ልዩ ስልጠና የሚያገኙበት ተቋም ነው።

ካምብሪጅ ኢንተርናሽናል ኤግዛሚኔሽንስ (CIE) የትኛውን የA-ደረጃ ኮርስ ዓይነት እንደሚያዘጋጅ እዚህ ይመልከቱ።

ፒርሰን ኤዴክሴል የትኛውን የA-ደረጃ ኮርስ ዓይነት እንደሚያዘጋጅ እዚህ ይመልከቱ።

ተማሪዎች በጽሑፍ፣ በቃል እና በተግባር ፈተናዎች እንዲሁም በኮርሱ የሚሠሩ ሥራዎችን እየሠሩ ይገመገማሉ። አንዳንድ ጊዜ ትምህርት ቤቶች ውጪ የተዘጋጁ ፈተናዎችን ብቻ ለመጠቀም ሊመርጡ አሊያም ደግሞ በኮርሱ የሚሠሩ ሥራዎችን እና ፈተናዎችን በአንድነት ለመጠቀም ሊመርጡ ይችላሉ።

ውጤቶች የሚሰጡት በመላው ዓለም የታወቁትን ከ A* እስከ E ያሉትን ደረጃዎች በመጠቀም ነው። በኮርሱ የሚሠራው ሥራ እና የፈተና ወረቀቶች ሁሉ የሚታረሙት በዩናይትድ ኪንግደም ነው።

ተማሪዎች የመጨረሻውን ፈተና ከተፈተኑ ወይም ደግሞ የኮርሱን ሥራዎች ካስረከቡ ከተወሰኑ ሳምንታት በኋላ፣ ለትምህርት ቤቶች ወይም ደግሞ በትምህርት ቤቶቹ አቅራቢያ ለሚገኝ የብሪቲሽ ካውንስል ቢሮ ውጤቶች ይላካሉ።

• ጊዜ ለመቆጠብ ተማሪዎቻችሁን በአንድ ላይ ማስመዝገብ ትችላላችሁ።
• በኢንተርኔት ላይ ወይም ደግሞ የወረቀቱን የማመልከቻ ቅፅ በመሙላት ምዝገባ ማካሄድ ትችላላችሁ።

• የመመዝገቢያ ጊዜው ከማብቃቱ በፊት መመዝገብ መቀጫ ከመክፈል ያድናል።

•  

  እናንተ አካባቢ ያለው የብሪቲሽ ካውንስል ቢሮ ተማሪዎችን ለፈተና በመመዝገብ ሊረዳችሁ ይችላል።

ብሪቲሽ ካውንስል ተማሪዎችን ከመፈተን ጀምሮ የፈተና ወረቀቶችን ትምህርት ቤታችሁ እስከ ማምጣት ድረስ ያሉትን ሁሉንም የፈተና ሂደቶች እናንተን ወክሎ ያከናውናል።

በተጨማሪም ከዚህ በታች የተዘረዘሩትን ነገሮች ሁሉ እድታገኙ እናደርጋለን፦

• ቀደም ሲል የተሠሩ መመረቂያ ጽሑፎችን እና የልምምድ ፈተናዎችን
• የእያንዳንዱን የትምህርት ዓይነት ዝርዝር መርሃ ግብሮች በሙሉ
• ወቅታዊ የሆነውን የውጤት አሰጣጥን እና ሕግን የሚመለከት መረጃ
• የፈታኞች ሪፖርቶችን እና አስፈላጊ ዜናዎችን

እንዲሁም ከትምህርት መመሪያዎች ጀምሮ በግል ለመማር እስከሚረዱ ድረ ገፆች ድርስ ያሉትን፣ ተማሪዎቻችሁ እንዲያጠኑ እና A- እና AS-ደረጃ ፈተናዎችን እንዲያልፉ መርዳት የሚያስችሏችሁን ሁሉንም የድጋፍ መስጫዎች እና ማስተማሪያዎች እንድታገኙ እናደርጋለን።