IELTS ለመውሰድ ይመዝገቡ

ፈተናውን ለመውሰድ በመመዝገብ ለፈተናው የሚያዘጋጅዎን ግብዓቶች ዛሬውኑ ያግኙ

IELTS ፈተናን ከብሪቲሽ ካውንስል ለመውሰድ ሲመዘገቡ፣ የሚከተሉትን ያገኛሉ: 

• ታዋቂ የሆነውን ስልጠና ለእርስዎ በተዘጋጀ መልኩ ያገኛሉ። ይህ ስልጠና አንድ መቶ የተግባር ስልጠናዎች፣ ዘጠኝ የቪዲዎ ስልጠናዎችንና ሁሉንም ክህሎቶች ያካተቱ ሁለት የ የሙከራ ፈተናዎችን ያገኛሉ
• ለሚመርጧቸው ተቋማት የምንልካቸው አምስት የውጤት ሰርቲፊኬቶች 

ፈተናውን ከኛ ጋር ሲወስዱ ዕወቅና ካለው ማዕከል መውሰድዎን እርግጠኛ መሆን ይችላሉ

ፈተናዎን እንዴት መውሰድ እንደሚፈልጉ በመምረጥ ለፈተናዎ ይመዝገቡ

ለመመዝገብ ሲፈልጉ:- 

1. በእጅዎ ትክክለኛ መታወቂያ (ፓስፖርት ወይም የቀበሌ መታወቂያ) እንዳለዎት እርግጠኛ ይሁኑ፣ ይህም ለፈተናዎ ቦታ በሚይዙበት ጊዜ ግልጽ የሆነ የመታወቂያ ፎቶኮፒ ገቢ ማድረግ ስለሚያስፈልግዎት ነው። ከ18 ዓመት እድሜ በታች ያሉ እጩዎች ለፈተና ቦታ ለማመልከት እንዲችሉ ከወላጅ ወይም አሳዳጊ የጽሁፍ ፈቃድ ማቅረብ እንዳለባቸው ልብ ይበሉ።
2. ስለ ፈተናው ቅርፅ፣ የጥያቄ ዓይነቶች እና የፈተናው ውጤቶች አስፈላጊ መረጃ የያዘ የእጩዎች መረጃችንን ያውርዱ እና ያንብቡ። IELTS ከ 16 ዓመት በታች ለሆኑ ተፈታኞች እንደማይመከር ልብ ይበሉ። 
3. የፈተናውን ክፍያ በየትኛውም የኢትዮጵያ ንግድ ባንክ ቅርንጫፍ በቀላሉ በቀጥታ ወደ ባንክ አካውንታችን ገቢ ማድረግ ይችላሉ (የክፍያ አፈጻጸም መመሪያ እዚህ ያግኙ)።  ወይም በየትኛውም የኢትዮጵያ ንግድ ባንክ ቅርንጫፍ በጥሬ ገንዘብ ክፍያ ማዘዣ (CPO) ለብሪቲሽ ካውንስል ገቢ ማድረግ ይችላሉ።
4. ክፍያውን ከፈፀሙ በኋላ እባክዎ የሚከተሉትን ሰነዶች በ5 የሥራ ቀናት ውስጥ ያስረክቡን፦

• በኢንተርኔት መመዝገብዎን የሚያረጋግጥ የኢሜይል ኮፒ፣
• ጊዜ ያላለፈበት የመታወቂያዎን (ፓስፖርት ወይም የቀበሌ መታወቂያ) ኮፒ እና ዋናውን፣
• ለፈተናው ክፍያ የፈፀሙበትን ሲፒኦ፣ 

ከላይ የተጠቀሱት ሰነዶች በ5 የሥራ ቀናት ውስጥ ካልደረሱን የሞሉት ማመልከቻ ወዲያውኑ ውድቅ ይደረጋል።

ለፈተና ከተመዘገቡ በኋላ:

የቦታ መያዝ ሂደቱን ካጠናቀቁ በኋላ፣ ፈተናዎ የሚጀምርበትን ጊዜና የሚሰጥበትን ቦታ አድራሻ የሚገልጽ ማረጋገጫ ይደርስዎታል። 

የንግግር ፈተናዎ እንደ ሌሎቹ ክፍሎች በተመሳሳይ ቀን ወይም ከዋና ፈተናዎ በፊት ወይም በኋላ በ 7 ቀን ጊዜ ውስጥ በሌላ ቀን ሊደረግ ይችላል። የፈተናው ማዕከል ለንግግር ፈተናው ቀን ማረጋገጫ ይልክልዎታል።

ለፈተናዎ ቦታ ከያዙ በኋላ፣ ነፃ ኦንላይን ኮርስ የሚያገኙበትን የሚስጥር ኮድ የያዘ ኢሜይልም ይደርስዎታል፡ Road to IELTS Last Minute